رواية برغم البعد كملنا بقلم سهام العدوي

يا حبيبي ..

وصلوا ونزلوا جلسوا في الجنينة وبسنت كانت ها تطير من الفرحة لأنها اول مرة تشوف اخوها بالشكل ده ودعت ربنا انه يهديه وقررت انها ها تبعد عن حسام وهو لو بيحبها ها يحضر يتقدم لها عشان عرفت أنها غلطت هي كمان وسيف كان سعيد لانه فرحها وكان راضي عن نفسه لكن مش بالكامل لانه مش ناسي اللي عمله في رغد ...

سيف بسنت كنت عاوز اقولك على حاجة ..

بسنت خير يا حبيبي 

سيف بسنت انا قررت اني اسافر بعد الامتحانات ومش ها ارجع إلا بعد الدراسة 

بسنت پصدمة عاوز تبعد عني تاني يا سيف طب ليه ..

سيف بسنت انا ها اخدك معايا مش ها اتركك بس صدقيني أنا لازم أسافر والقرار ده ما فيه نقاش ...

بسنت طب وأصحابي يا سيف ها ابعد عنهم ..

سيف يا بسنت عشان خاطري مش ها ينفع لازم اسافر واصحابك ابقي كلميهم من المانيا ..

بسنت خلاص يا سيف لكن اتركني افكر

سيف بسنت دول ثلاث سنين وها نرجع تاني على مصر ...

بسنت طيب يا سيف ..

سيف صدقيني انا لو مش ها اخاڤ عليكي كنت ها تركك لكن انا بخاف عليكي اوي ..

بسنت انا عارفة يا حبيبي والله ربنا يخليك ليا ...

سيف ويخليكي ليا يا حبيبتي ...

بعد يومين 

فريد كان بيشتغل هو وإيلين

إيلين مستر فريد كفايانا شغل لحد هون عن جد تعبت كتير انت ما بتتعب ابدا ..

فريد هو أنتي جاية عشان تشتغلي ولا تتدلعي يا ريت يا مدام نخلص شغل وبلاش الدلع ده ...

إيلين طيب تأجله ليوم تاني بليز انا تعبت كتير صار لنا ثلاث ساعات عم تشتغل شو رأيك أذا بنطلع نتغدا في شي مكان برة لحتى نتعرف على بعضنا اكثر ..

فريد ليه هو أنا ها أناسبك ياريت يا مدام تتفضلي وبكرة تحضري عشان نكمل شغل ...

إيلين رح تضلك تتقل عليا كتير هيك

فريد نورتي يا مدام إيلين

وطلعت إيلين وهي متعصبة وفريد كمل شغل وشوية وسمع صوت صړيخ 

جري يشوف ايه لقى فريدة موفعو إيلين على الأرض ومسكاها من شعرها وبتعضها ونازلة ضړب فيها ..

فريد شدها من عليها قومي يابنت انتي اټجننتي ..

فريدة وهي بتحاول قفلت منه وتروح تكمل عليها دي بنت متخلفة وهي تستاهل اصلا اتركني يا فريد اكمل عليها ..

فريد بعصبية ممكن تهدى شوية وتقوليلي ايه اللي حصل ..

فربدة بعصبية والله انا كنت بشتغل ولا بيا ولا عليا ولقيت الست نافتلين دي جاية بتقول .. وكملت وهي بتقلدها 

عن جد مستر فريد بياخد العقل كنا عم نحكي ونضحك سوا جوة عن جد ضحتكه كتير حلوة بتطير العقل هيك وانتي ما راح تقدري تبعدينا عن بعضنا واتعدلت بنت مايصة ومايعة ومش متربية صحيح ...

فريد عرف انها غيرانة لكن اتعصب من إيلين اتفضلي يا مدام إيلين ظبطي نفسك وروحي وانا ليا مع حضرتك كلام تاني ..

إيلين قامت وهي ها تشيط من فريدة وپتبكي وشعرها منكوش هاي واحدة مچنونة والله لفرچيها خليها ټندم على ها الكلام ...

فريدة يلايا بنت من هنا بدل ما اقټلك بأيدي ..

فريد ممكن تهدي شوية أهي مشيت أهيه ..

فريدة أنت تخرس خالص مش انت اللي ساكت لها وانا جالسة هنا بشتغل ودمي محروق وانت واخد راحتك في مكتبك اومال ليه كنت عايش في دور المحترم ده ..

فريد پصدمة انا يا فريدة هي دي فكرتك عني بعيش الدور ...

فريدة ايوة انت وانا لولا مرض ابويا ما كنت غصبت نفسي اني اشتغل عند واحد زيك ...

فريد بعصبية غصبتي نفسك لا وعلى ايه كل ده انا ها ريحك مني خالص من هنا ورايح انتي ها تبقي سكرتيرة مروان 

وأنا امامي اسبوعين وها اسافر ومش ها تشوفي وجهي تاني بعد اذنك ...

فريدة جلست على المكتب وبكت هي لا تقدر تبعد عنه هي كانت عايزة تربيه مش اكثر كان نفسها تقوله لا يسافر بس صعبت عليها نفسها واتضطرت تسكت ..

بعد ثلاث سنوات ونصف 

في شقة مدحت الباب بيخبط

اميرة أفتحي يا رغد الباب 

رغد حاضر يا ماما جاية اهو وراحت جري تفتح الباب واول ما فتحته اټصدمت مش معقول بوسي وحشاني مۏت واخدتها في حضنها ..

بسنت وانتي اكتر والله وحشاني اوي يا روح بوسي ...

اميرة مين يا رغد

بسنت انا تسنت صاحبة رغد يا طنط ايه حضرتك مش فكراني ولا ايه ..

أميرة حضنتها يا حبيبتي يا بنتي رجعتي امتى

بسنت لسة من شوية يا طنط وقولت اول حد لازم أشوفه هي رغد ...

اميرة أصيلة با بنتي يلا يا رغد خدي صاحبتك على غرفتك لحد ما أحضر اكم الغدا ...

بسنت معلش يا طنط والله مش ها اقدر ..

رغد ليه بقى إن شاء الله ل لا أنتي ها تتغدي معايا ده انتي وحشاني اوي ..

أميرة والله ابدا لازم تتغدي معانا ..

بسنت بأبتسامة خلاص زي ما تحبو مش ها اكسفكم ..

رغد دخلتها وجلسوا في الغرفة

بسنت بس واضح أن احنا بقينا بنعرف نتكلم لبلب اهو ..

رغد آه خالد ما تركني لوحدي فضل معايا لحد ما بقيت زي ما انتي شيفاني 

بسنت ربنا يخليكم لبعض بجد فرحتلكم اوي لما عرفت انك اتخطبتي له ..

رغد خالد جدع وبيحبني وانا كمان حبيته صحيح يا بسنت سيف عامل أيه

بسنت الحمد لله سيف ربنا هداه وبقى كويس ..

رغد ربنا يهديه وكملت بخبث وأياد عامل أيه ..

بسنت بحزن من وقت ما سافرنا وهو ما بيعبرني وكل ما بيراني في مكان بيمشي منه ....

رغد حقه صراحة ما انتي تستاهلي

بسنت انا ندمانة اوي يا رغد انا حبيته بجد بس متأخر اوي 

رغد معلش يا حبيبتي ربنا يسعدك يارب

بسنت صحيح هي وفريدة فين 

رغد بحزن في بيتها من وقت ما فريد سافر وعمو احمد ماټ وهي اتغيرت اوي بقت واحدة ثانية ..

بسنت ربنا يرحمه ويصبرها بقولك ايه ما توصليني لها ..

رغد طيب يلا نذهب لها .............

في كلية طب اسنان 

كانت في بنت جميلة جدا شعرها اسود طويل وعينيها عسلي وعندها غمازات حلوة اوي واقفة مع صاحبتها أحلام 

احلام طيب يا نور اخويا وصل اهو يلا بقى أمشي انتي ..

نور ابدا والله لازم اطمن عليكي لحد ما تركبي ..

احلام طيب يا ستي يلا بقى ..

نور بإبتسامة باي 

وجاءت تركب عربيتها لقت عربية واقفة

امامها اتعصبت نور ونزلت عشان تنهر صاحب العربية واول ما رأته اټصدمت وجريت في حضنه ..

فريد حضنها جامد وحشاني أوي

نور ايه المفاجأة الجامدة دي أنت رجعت امتى من ألمانيا ...

فريد لسة حالا وقلت لازم اراكي انتي اول واحدة بس ايه الحلاوة دي يا بنت

نور ايه رأيك بقى وبأقل مجهود ...

فريد لا بصراحة أحسن. كتير من دور عبده مۏته اللي انتي كنتي عايشة فيه

نور كشرت عبده مۏته أخص عليك يا فريد ..

فريد خلاص يا قلبي بهزر تعالي اركبي معايا والسواق ها يأخذ عربيتك للبيت 

وركبت معاه وهما