خلخال حليمة بقلم آيه عرفات ..

الي حصل 
محمد ..اللي حصل بينا ده طبيعي يحصل بين اي اتنين متجوزين ولازم اقول لك انا عملت معاكي كده علشان
نور بتقاطعه بكلامها ..اكيد ضعفت زي ما انا ضعفت بالضبط 
محمد ..هو انت بجد مكنتيش عايزاني المسک
نور ..مكنش ينفع انك تلمسني انت عارف جوازنا من الاول كان ايه
محمد ..اه انا كده فهمت كل حاجه 
نور ..فهمت ايه بالظبط 
محمد ..فهمت اللي كان لازم افهمو جوازنا من الاول كان غلطه جوازنا كان لسبب والسبب اني استر عليكي لمدة شهرين تلاته 
نور ..صح كده يعني ما ينفعش انك تقربلي او تلمسني 
محمد ..يعني انتي دلوقتي عايزاني اطلقك 
نور.. اظن اللي احنا اتجوزنا عشانه خلاص حصل ما فيش داعي نفضل متجوزين اكتر من كده
محمد برعشه في ايده ومش قادر يتلم على اعصابه ..هتقدري تبعدي عني وتسيبيني 
نور پخوف وبدموع في عينيها..ايوه هقدر 
نور دخلت اوضتها وقفلت الباب ومحمد دموعه نزلت منه مكانش مصدق ان نور هتطلب انها تطلق وهيرجع يعيش لوحده تاني زي ما كان هو ما صدق يكون ليه وانس في البيت يونسوا ونور كانت ماليه عليه البيت غير كده ان هو بيحبها مكانش عايزها تبعد عنه 
نور من جواها بتحب محمد اوي اوي بس هي خاڤت يحصل غلط اكتر من كده هي كانت فاكره ان محمد ما بيحبهاش قررت تدوس على قلبها عشان متجرحش نفسه اكتر من كده محمد جاب المذكره بتاعته وفضل يكتب فيها مذكراته وهو بيعيط مره واحده ڠصب عنه نام على الركنه من التعب نور فتحت الباب عشان تطمن على محمد شافته نايم على الركنه قاعدة على الارض وفضلت تتامل فيه وهو نايم وكانت حاسه انها هتكون اخر ليل معاه غطيته بالبطانيه وهي داخله تنام شافت المذكره بتاعته على الركنه كان عندها حب فضول تفتح اللي فيها بس كانت خاېفه قوي ومع ذلك اتشجعت وخدت المذكره ودخلت اوضتها فتحت المذكره وقرات فيها كل حاجه كتبها محمد وعرفت قد ايه محمد بيحبها من اول يوم دخلت حياته محمد كان بيوصف حبه ليها على المذكره اني النور اللي نور حياته ونور كانت بتقراء المذكره وپتبكي لانها فهمته غلط متاكده ان هو بيحبها زي ما هي بتحبه مش عارفه تعمل اي حاجه غير انها رجعت المذكره زي ما كانت 
تاني يوم الصبح 
محمد ..صباح الخير 
نور ..صباح النور 
محمد ..انتي قاعده هنا من امتى 
نور ..انا لسه طالعه دلوقتي 
محمد ..انا معرفش راحت عليا نومه ازاي 
نور ..عادي ولا يهمك
محمد.. طب انتي قاعده كده ليه 
نور ..مستنيه رد للكلام بتاع امبارح انت مردتش عليا
محمد ..انتي مستعجله اوي كده ليه
نور.. بدام محدش فينا بيحب التاني يبقى نفضل مع بعض ليه 
محمد ..عندك حق يا نور وانا هعملك اللي انتي عايزاه 
محمد دخل الحمام ونور فضلت مستنيه لحد ما خرج
نور ..يلا طلقني دلوقتي 
محمد ..اطلقك دلوقتي للدرجه دي مستعجله
نور ..ايوه 
محمد ..مش هطلقك يا نور واللي انتي عايزه اعمليه 
محمد دخل أوضته وكان مخڼوق اوي ونور كانت فرحانه اوي
في الفيلا عند عزيز وحليمه حليمه الميعاد بقى الساعه 10 والمفروض تنزل تقابل رجاء هانم وفعلا نزلت قبلتها في الجنينه 
رجاء ..ايه يا

حليمه عملتي اللي اتفقنا عليه
حليمه........
رجاء ..ساكته ليه انطقي عزيز مضي علي الاوراق 
حليمه..........
رجاء.. ايه حكايتك النهارده هتفضلي ساكته كده وريني الاوراق دي
رجاء شدت الاوراق من ايد حليمه بس الصدمه ان الورق مكنش ممضي عليه ..انتي لسه مخلتيش عزيز يمضي علي الورق
حليمه.. لا ومش هيمضيه
رجاء ..انتي بتتكلمي معايا كده ليه 
حليمه.. لان ده جوزي وانا ماسمحش لاي حاجه في الدنيا دي تاذي 
رجاء.. انتي نسيتي نفسك ولا اي انتي عارفه انا ممكن اعمل فيكي اي
حليمه.. تعملي اللي تعمليه اهم حاجه اني انا مش هاذي عزيز باي حاجه وآله هسمح لاي حد ياذي
رجاء ..انتي لازم تخليه يمضي على الاوراق دي والنهارده يا اما والله العظيم اقټلك واخلص منك 
حليمه.. وانا قلتلك مش هيمضي علي حاجه كفايه بقى اي انتي شيطانه رجاء مره واحده رفعت ايديه عشان تضربها بالقلم على وشها بس الصدمه ان عزيز مسك ايد رجاء قبل ما تنزل على وش حليمه 
عزيز كان واقف وسامع كل الكلام وحليمه كانت مصدومه ورجاء صډمتها اكتر من صډمه حليمه 
رجاء بصوت مهزوز ..ايه ده عزيز 
عزيز بصلها باحتقار وحليمه جريت على عزيز وحضنته ..1000 مبروك انت بتشوف صح فرحني قولي انك بتشوف 
عزيز هز راسه بنعم وحليمه كانت فرحانه اوي
رجاء كانت ھتموت من الحسره ازاي فتح وازاي رجع يشوف تاني كانت مصدومه من اللي بيحصل 
عزيز.. بقى انتي اللي مديه الورق ده لمراتي عشان تخليني امضي عليه
رجاء.. لا مش انا مراتك بتعمل كده لنفسه
حليمه.. انتي كذاب انتي اللي مدياني الورقه ده امبارح وقلتيلي اخلي عزيز يمضي عليه بس انا اللي مرضيتش اخليه يمضي عليه لان انا مش عايزه اااذيه في اي حاجه
رجاء ..انتي كذابه انتي متتكلميش خالص 
عزيز ..انا عايز افهم في اي بالضبط 
رجاء ..انا هفهمك في ايه طالما الحقيقه بانت يبقى لازم كل حاجه تبان ايوه انا اللي قلتلها تخليك تمضي على اوراق التنازل دي عارف ليه لان انا كنت خاېفه عليك وعلى فلوسك وعلى حاجتك واملاكك لما عرفت اني هي انسانه طماعه قدرت تضحك عليك وتستغل اللي انت فيه وتاخذ منك فلوسك واملاكك قررت اني انا اكتب كل حاجه عندك باسمي لحد ما ترجع تقف على رجلك تاني وبعد كده ارجعلك كل املاكك هو ده اللي كان في نيتي 
حليمه.. ايه التفكير ده لا لا يا عزيز كل الكلام اللي هي قالته ده غلط 
رجاء.. انتي تسكتي خالص وماتتكلميش هي دي اللي كانت بتديك حبوب بتضعف النظر وتعدم القرنيه عندك عشان تعرف تستغلك كويس وكمان كانت بتاخد مني كل شهر 20 الف جنيه عشان تخلي بالها منك ده غير الي متفق مع راشد بيه عليه يعني كل اللي هي عملته ليك كان مدفوع تمنه 
حليمه.. متصدقهاش يا عزيز ماحصلش ولا كلمه من الكلام اللي هي قالته ده انا افهمك كل حاجه 
عزيز ..اطلعي لمي هدومك وامشي 
حليمه.. انت بتقول ايه 
عزيز بصوت عالي ودموعه في عينيه ..اطلعي لمي هدومك وامشي دلوقتي
حليمه.. انت صدقتها 
عزيز ..لا انا صدقت عينيا فعلا فوق في الدرج بتاعك في فلوس كتير قوي وبرشام اللي قالت عليه رجاء يعني هي مبتكذبش الكدابه هو انتي ولازم تخرجي بره دلوقتي ابويا غلطان لما جاب وحده زيك من الشارع اطلعي بره يلا
حليمه لمت هدومها ولمت كل حاجه تخصها واتجهت الى الاسماعيليه اول ما وصلت البيت خبطت على الباب ومره واحده ام حليمه فتحت الباب
ام حليمه.. ايه ده انا مش مصدقه نفسي بنتي حبيبتي 
ام حليمه بدات تحضن وتبوس بنتها اللي غايبه عنها بقلها خمس شهور ومش مصدقه أنها رجعت وحليمه كانت حالتها صعبه كانت مڼهاره من الدموع مش مصدقه اني عزيز يتخلى عنها بسهوله اوي كده كانت حزينه قوي انها مش هتشوفه تاني 
ام حليمه ..مالك يا بنتي من ساعه ما جيتي وانتي ساكته في اي يا حبيبتي طمنيني عليكي
حليمه بنبره حزن..انا تعبانه اوي يا ماما 
ام حليمه حضنت بنتها وفضلت تبكي علي دموع بنتها ..مالك يا حبيبتي في ايه احكيلي وجوزك مجاش معاكي ليه
حليمه.. دي حكايه طويله اوي يا ماما هبقى احكيهالك بعدين انا دلوقتي تعبانه وعايزه ارتاح 
ام حليمه.. ادخلي