خلخال حليمة بقلم آيه عرفات ..

يبقى هكلم حضرتك في التليفون
رامي ..انا يسعدني اني انا اشوفك بنفسي 
حليمه ..ان شاء الله سلام يا دكتور 
رامي.. سلام 
حليمه رجعت على الفيلا وعزيز كان مستنيها في الجنينه 
حليمه.. عامل ايه يا استاذ عزيز 
عزيز ..انتي شرفتي يا ست هانم في تاخير نص ساعه عن الميعاد 
حليمه.. طب انا اعمل ايه الحته كانت زحمه والسواق اللي انت كنت جايبه كان بطيء انا ذنبي ايه 
عزيز ..خلاص اسكتي اطلعي غيري هدومك يلا ونامي 
حليمه ..ماشي هتيجي معايا ولا هتيجي لوحدك 
عزيز ..لا انا هخلي البواب يوصلني الغرفه اتفضلي اطلعي بقى 
حليمه.. براحتك 
حليمه ..طلعت اوضتها غيرت هدومها كانت بتفكر في الكلام اللي قالهولها رامي وازاي مرات ابوها حابه انها تدمر عزيز للدرجه دي بس حليمه قررت انها تساعد عزيز بس مكنتش عارفه هتساعده ليه في حاجه بتشدها من ناحية عزيز بس كانت بتكذب نفسها بسبب اللي حصلها قبل كده كانت خاېفه تخش اي تجربه 
فجأه عزيز دخل عليها 
حليمه.. انت شرفت يا استاذ 
عزيز ..انتي لسه منمتيش 
حليمه.. لا منمتش ازاي هنام من غير ما اطمن عليك 
عزيز.. اه ناقص تقوليلي قلب الام 
حليمه.. ما انت بتهزر وظريف اهو 
عزيز ..بصي انا لما بكون زعلان من حد مبكونش عايزه اتكلم معه نامي عشان انا مش عايزه اتكلم معاكي 
حليمه ..مش عايز تتكلم معايا انا وانا زعلتك في ايه بقى انشالله 
عزيز ..انتي اتاخرتي عليا اوي وانتي عارفه اني انا مابعرفش اعمل اي حاجه من غيرك ومع ذلك سبتيني ومشيتي 
حليمه قربت منه ومسكت ايده وقالت..خلاص اول واخر مره هخرج واسيبك تاني بس اهم حاجه متكونش زعلان مني 
عزيز مره واحده شدها من وسطها لحضنه وقال .. خلاص صالحيني 
حليمه.. انت قصدك ايه بقى 
عزيز ..بقولك صالحيني 
عزيز كان بيقرب شفايفه من شفايف حليمه وهي كانت بتبعد عنه وقالت بحرج .. ايه اللي انت بتعمله ده يا عزيز مينفعش اللي انت بتعمله ده
عزيز مره واحده فاق من اللي هو فيه وبعد عنه وقال .. صحيح افتكرت ان جوازنا مش حقيقي وانك واخده قرشين عشان خاطر تخلي بالك مني بس الحقيقه انك مش عايزاني وعايزه فلوسي وبس عشان كده مش عايزاني اقرب منك وانا عذرك في واحده زيك تحب واحد او تتجوز واحد اعمى زيي خلاص يا حليمه انا اسف على اللي عملته ادخلي نامي 
عزيز كان مخڼوق قوي من الحاله اللي هو فيه وحليمه بدات تقرب منه تاني وقالت .. ما هو انت طول ما انت كده عمرك ما هتتحسن قافل على نفسك الفيلا ولا بتخرج ولا بتاخد علاج ولا حتى بتحس بطعم وحلاوه الدنيا العامل النفسي ليه اساس كبير اوي في اي حاجه ومين قالك اني انا اتجوزتك عشان خاطر قرشين وخلاص انت ما تعرفش ظروفي ايه واللي انا مريت بيه اللي انا شفته في حياتي يخليني اخاڤ من اي حد في الدنيا كلها الوحيد اللي ماخفتش منه حسيت معاه بالامان هو انت 
عزيز ..امان وانا اعمى 
حليمه.. الامان مبيجيش بالنظر ياما ناس كتير بتشوف بس قلوبها سوداء ما بتشوفش ومعندهاش رحمه لكن انت من جواك نضيف وقلبك جميل عشان كده انا ماخفتش منك ابدا وبعدت عنك دلوقتي علشان ما تندمش انك عملت حاجه زي دي مع واحده جايه من الشارع زيي انا عايزه نقضي الفتره بتاعتنا واحنا زي ما احنا كده عشان لما نبعد عن بعض ما حدش فينا يندم على حاجه عملها مع التاني 
عزيز انتي حقيقي هتسيبيني بعد ست شهور 
حليمه.. للاسف يا عزيز ايوه هو ده كان اتفاقي معاه راشد بيه وانا انشالله هخليك ترجع احسن من الاول مش محتاج اي حد خالص ولا انا ولا غيري بس لو سمعت كلامي 
حليمه راحت جابت الدواء وكبايه الميه وقالت.. علشان خاطري يا عزيز

انتظم على العلاج بتاعك عشان تبقى كويس انا عايزاك احسن واحد في الدنيا كلها لو ليا خاطر عندك فعلا 
عزيز ضعف قدام كلام حليمه وفعلا خد العلاج منها 
عند اصحاب حازم محمد ..انا مخڼوق اوي من اللي احنا عملنه في اخت صاحبنا حازم الله يرحمه من ساعتها لا باكل ولا بخرج ولا بنام ولا عارف اعمل اي حاجه في حياتي وحاسس بالذنب 
كريم.. يا عم انت معقدها ليه صاحبي وصاحبك وخلاص ماټ واخته يتولاها ربنا خلاص بقى فك كده وعيش حياتك 
محمد.. انا مكنتش عايز اعمل حاجه زي دي انتم اللي ضغطو عليا بس احنا لازم نعمل حاجه لصاحبنا حازم عشان يرتاح في تربته
كريم ..هنعمل ايه بقى ان شاء الله 
محمد.. لازم نستر اخته هي ملهاش ذنب في اي حاجه هي زي القمر ورده مفتحها حرام اني احنا نطفيها مافكرتش اني ممكن يحصل حاجه زي دي في اختك او امك يا كريم
كريم.. ما تحترم نفسك يا محمد هي هبت منك ولا ايه
محمد ..اضيقت ليه هو مش حازم كان عايز يعمل حاجه زي دي في ياسمين ولولا القدر ربنا خلى اخته هي اللي يتعمل فيه كده
احمد ..في ايه يا محمد انت مكبر الدور ليه انا غلطان اني انا جيتلك اصلا يلا يا كريم نمشي
محمد مسك ايد كريم وقعدهم
محمد ..عشان خاطري يا صاحبي لازم نعمل حاجه عشان خاطر الاخوه اللي بينا وبين حازم
كريم ..وهنعمل ايه بقا ان شاء الله
محمد.. واحد منا يتجوز اخته اللي عملنا فيها كده 
احمد.. هي اكيد بقى هبت منك زي ما كريم قال نتجوز مين يا عم
كريم ..سيبك منه يا احمد هو شكله عايز مستشفى المجانين
محمد.. مستشفى المجانين ليه هي البنت وحشه في اي البنت مش عملت كده بمزجها عملت كده عشان احنا اللي اغتصبناها وراح فيها صاحبنا الله يرحمه ولا نسيته حازم واللي كان بيعمله معانا وانه كان جدع مع كل واحد فينا
احمد ..طلعوني من الدور ده خالص انا مش معاكوا انتم عاوزين ابويا يموتني
كريم ..طب ما انت عامل فيها بطل اوي وبتحب صاحبك وهو كان جدع معاك متتجوزه انت وتستر عليها انت ولا ليك اب ولا ام ومحدش هيقولك بتعمل ايه
محمد مره واحده اتخض وفضل يفكر في كلامهم
في البيت عند مراد الباب خبط مراد فتح الباب
مراد ..مين حضرتك 
محمد.. انا محمد صاحب المرحوم حازم ممكن اتكلم معاك في موضوع مهم
مراد.. اتفضل
محمد اول ما دخل كان متردد من اللي هو هيعمله بس كده متاكد اني ده الصح 
مراد ..خير حضرتك في حاجه
محمد ..انا يسعدني ويشرفني اني انا اطلب ايد الانسه نور اخت حضرتك
مراد مره واحده اتنفض من على الكرسي
مراد ..اختي انا
محمد.. انا عارف ظروفها وعارف كل اللي حلها سمعت اللي حصلها من ناس صحابي وانا موافق اني انا اتجوزها وكاتب الكتاب هيبقى الاسبوع الجاي 
مراد ..حضرتك مستعجل اوي كده ليه وفين اهلك
محمد ..بابا اټوفي من 5سنين وماما اتجوزت وسافرت وانا عايش لوحدي
مراد ..طب ومستعجل ليه
محمد ..خير البر عاجله يا استاذ وانا جاهز من كل حاجه ومش عايزها غير بشنطه هدومها ياريت حضرتك تسالها وترد عليا في التليفون انا هكون مستني رد حضرتك 
مراد ..خلاص ماشي هتكلم معاها وهرد على حضرتك 
محمد خرج من البيت وحاسس ان هو عمل الصح وده أقل حاجه يعمله لصاحبه 
مراد دخل على نور اللي كانت في حاله صډمه ماكانتش بتتكلم مع اي حد خالص
مراد ..وبعدين