رواية قاصر بقلم نورين خليل (كاملة)

لما كنتي تحسي انك جاهزة
اي ده هو ينفع ادخل الامتحانات في اي سنه
بس انا 21سنة هخش امتحن ازاي
محمدعادي والله..مادام ورقك في المدرسة ومتسحبش هتبقي ثانوي منازل
يعني لسه في فرصه
أسماء طبعا يا قدمي تاني وانا هساعدك وادخلي امتحانات السنة دي.
مش عارفةبصراحة ي اسماء هشوف كدا
شربنا الشاي وبعدها عصاير وبصراحه كنت فرحانه بالقعده معاهم بس كان لازم استأذن علشان اروح داليا اكيد طلعت عين ماما
روحت 
افتكرت ان كان هيتصل بماما علشان يكلمني كنت عاوزه اعرف ماما قالتله ايه
وصلت الشاليه والحمد لله داليا نايمه وماما قاعده في الجنينه
مساء الخير يا احلي ماما .
دلال اهلا يا ست ينفع جوزك يتصل وميلاقكيش !
اتصل وقولتيله اي 
دلال قولتله انك مع اختك بتجيبوا طلبات وقدامكوا شوية وهتيجوا..الحال دا مش نافع ي شوفي جوزك وردي عليه..انا عايزة اطمن عليكي ي بنتي بقي وعايزاكي تستقري
لا ي ماما اطمني..اطمني اوي كمان
دلال انتي هتعملي اي ولا ناوية علي اي
  كل خير ي ماما مل خير الا صحيح خالد وبسمة فين ناموا بدري كدا ليه
دلاللا دول خرجوا يتعشوا ويسهروا برا
  حقك عليا يا ماما معلش اكيد مقدرتيش تخرجي معاهم انتي وبابا علشان البنات
دلال لا يا بنتي كده كده مكناش رايحين دول عرسان نسبهم بقي يتفسحوا لوحدهم شويهاحنا كابسين علي نفسهم اصلا.
وبعدين خلاص بكره اخر يوم وهنرجع تاني البلد
وانتي ناويه علي ايه هتيجي البلد معانا ولا هترجعي شقتك
واه صحيح جوزك حولك فلوس
حول فلوس كويس اوي اتصل تاني بعد ما قولتليله اننا برا صحيح
دلال اه رن كام مرة كدا ومردتش .
طيب ي ماما انا عايزة انام تصبحي علي خير.
دلالاستني جوزك بيرن اهو خدي ردي عليه
  ارد لأ يا ماما 
انا داخله انام
دلال واخرتها ايه يا بنتي بس
قولتلك خير يا ماما اخرتها خير
دخلت علشان انام بس مجاليش نوم التفكير كان هيجنيني وانا مش عارفه هعمل ايه فكرت في كلام اسماء وجوزها اني ادخل امتحان هدخل امتحان ثانوية عامة ف السن دا طب والبنات هعمل بيهم اي ولا هسيبهم فين وبعدين ما حياتي كدا حلوة اهي ورجع يبعت فلوس ويمكن لما برجع ويلاقي ان عنده بنت يتبسط ويندم علي قراره يعني اهي يمكن تفرج.
ولا ا روح الامتحانات انا مش هخسر حاجه كدا كدا 
طيب ارد عليه اقوله ايه 
اعرفه ان عرفت الي بينه وبين يارا
واني خلفت واتبهدلت وهو ولا حاسس بحاجه 
ولا اسيبه ومعرفهوش حاجة 
انا مش هرد عليه وكلها بكره وماما راجعه البلد وانا هرجع شقتي ومش هيعرف يوصلي
وكلامي معاه اما يبقي يرجع بقي .
تاني يوم خلص بسرعه جدا في لم الهدوم وتحضير الشنط عشان السفر وكدا ورجعنا من الاجازه 
وروحت سحبت فلوس وكان سايبلي مبلغ كويس ساعدني كتير بصراحه..
مبقتش عارفة اعمل اي انا طول اليوم ف البيت ..مش بخرج تقريبا غير لو هجيب طلبات فكرت ف كلام اسماء تاني وبعد تفكير طويل وصلاه استخاارة قررت اني ادخل امتحن تااني اتصلت ع اسماء واتفقت معاها ع اليوم الي هروح اقدم فيه وكدا..
روحت لأسماء المكتب وجت معايا المدرسه وخلصت معايا كل الإجراءات علشان ادخل الامتحانات كنت مكسوفه شوية وكان تحدي صعب بالنسبالي جدا واحتجت مجهود جبار اني ااقدر اذاكر وامتحن ومعايا البنات دا غير ان بقالي كتير مفتحتش كتب كمان انا مأخدتش دروس وكنت بزاكر لوحدي بجد الموضوع كان صعب بس مش مستحيل البنات كانوا عاملين لي عائق شوية ف الحركه
مره اسبهم لماما والحاجه صفيه 
مره اسماء تاخدهم وتستني علي ما اخلص الامتحان 
واخيرا خلصت وبعد تلات شهور اخدت البنات وروحت البلد عند ماما مستنية النتيجه وطبعا   

كلم ماما وهي قالتله اني في شقتي في مصر وموبيلي بايظ
فبطل يتصل وفضل يبعت فلوس يا دوب بتكفينا 
ظهرت النتيجه وأسماء راحت جابتها واتصلت عليا كنت مړعوبه ومش قادره اسافر مصر علشان اجيبها ومش عايزة كمان ابهدل البنات كل شوية بسفر 
الحمد لله نجحت طبعا بس للأسف المجموع ضعيف وكان لازم انتظر التنسيق علشان اعرف هقدم في ايه بس انا مكنتش زعلانة ان المجموع ضعيف كنت متوقعه كدا اصلا
متخيلتش يعني اني هدخل طب او هندسة او حتي تربية
اسماء قالتلي ان مجموعي ممكن يدخلني زراعه او حقوق 
وممكن تجاره او اداب انتساب 
كان نفسي ادخل تجاره علشان افهم شغل بس يا تري انا هكمل حياتي مع اصلا ولا كده خلاص بعد الي سمعته وعرفته لازم انفصل وابعد عنه واربي بناتي لوحدي بس هما اكيد بردوا محتاجين ابوهم .
خلاص ميعاد الدورات والتدريبات الي كانوا بياخدوها برا قربت تخلص
وعرفت ان الشركه هنا ابتدت تشتغل تاني يعني هو هيرجع فريب وهيستقر ف مصر عشان شركته هنا. عني لازم اقرر في اسرع وقت انا هعمل اي!
حبيت اعوض بناتي عن انشغالي عنهم طول وقت الامتحانات والمذاكره اشتركت في نادي لهم دخلت تدريب سباحه وكنت بقعد بداليا علي