انا في بلاء شديد والحمد لله

انا في بلاء شديد
انا عمري ٤٤ وزوجتي ٣٩ وعندي ولدين ١٧ و ١٢ سنة سافرت اخر ٧ سنين للعمل لوحدي وكنت بنزل شهر الاجازة فقط كل سنة
و استحملنا شوية عشان نعمل حاجة ونخلص اقساط علينا و حاليا نزلت نهائي من ٨ شهور
من ٣ سنين مراتي كرهتني
حاولت أعالج الموضوع معرفتش 
وناقشتها في الأسباب كانت بتقول انها مش شايفاني بشارك في تحمل الأعباء ولا في التخطيط للمستقبل بالصورة المطلوبة
وانها شالت فوق طاقتها سنين كتير وتحملت مش اكل كتير بدون مساعدة مني في حلها
حاولت كتير اهديها وقولت معلش ضغوط وتعدي 
وللاسف طلع شكي في محله وتأكدت من الموضوع ده من شهر ونص بكل اسف
واجهتها واعترفت وجهزت الطلاق لكن بصراحة تأثرت جدا في اليوم التالي بأولادي وببكاها وأجلت الطلاق
وهي بتحلف الله أعلم وأعلنت ندمها والتوبة
وانا اتجهت لمحاولة المغفرة عشان ابني ثانوية وخاېف عليه ولتعلقي الشديد بيها
تقريبا لمدة أسبوع كنا كويسين لكن بعد كده حسيت اني مش قادر اتعافي والشك عندي كبير جدا 
وهي كمان مضطربة 
وحاليا مش عارف افكر اعمل ايه اكمل ولا استحالة نرجع طبيعيين مع بعض
وازاي اتأكد انها عايزاني لشخصي مش إنقاذ لنفسها أو عشان الولاد بس